నేల మీద నేను నింగి లోన తాను !! ఇలలోన నన్ను కలవడానికి తను దిగిరాడు !!తలెత్తి చూస్తున్న తన జాలి నాపై కలుగదా అని ? ఏది  ఒక్కసారైనా నా వైపు చూడడే ?? నోరు తెరిచి అడిగితే లోకువవుతనేమో అడగక పోతే అస్సలు తెలుసుకోడేమో ? ఎలా ఈ డోలాయమాన పరిస్థితి ఎంత వరకు ? నా మనసు ఇలా ఊగిసలాడుతుంటే అర్ధం చేసుకోని నిన్ను చూస్తే కోపం కాక ఇంకేమి వస్తుంది ??

అనిపిస్తుంది నాకు నువ్వు మంచి నటుడివే అని !! ఆ నటన నీకు మాత్రమే సాద్యమవ్తుందని .. తెలియని భావనలను నాలో చొప్పించి నా మనసునే నీ ఆధీనం చేసుకుని ఇప్పుడు ఏమి తెలియనట్టు ఆ నటనను చూడు .. 

నొప్పించని  కోపం ..

గాయపరచని శిక్ష ...

బాధించే మౌనం ...

దూరంగా ఉండలేని నీ అమాయకత్వం ..

ఎలా నీ వైపు నుంచి నా తల త్రిప్పేది ???

నిన్ను ఒప్పించే ప్రయత్నం లో నన్ను నేను కోల్పోతనేమో అనే భయం నా మనసును  నొప్పించే నీ మౌనం  నాకు చిరుకోపం తెప్పించే నీ దూరం ఎప్పటికి నాకు దూరమయ్యేను ?? అలా అస్తమించిన సూర్యుని సాక్షిగా నీ వైపు చూస్తున్నా దాక్కున్న ఆ మబ్బుల మాటున నుంచి నీవు బయటికోస్తవేమో అని .. నీవు చూడలేని ఈ కలువ మొహాన నవ్వులు ఎందుకని ? పక్షం రోజులుగా ఎదురుచూస్తున్న నీ పూర్ణ రూపం నాకు సొంతమవాలని ... ఎవరికీ పంచక నీ వెన్నెల చల్లదనం నా పరం చేసుకోవాలని .. జాబిలి అని జానల వెనక తిరిగినా జోల పాట పాడనీ వెన్నల గానమైన నీవు లేక పోతే శున్యమనిపిస్తుంటే ఇంకా ఏమని చెప్పి నిన్ను ఒప్పించేను ?ఎలా చెప్పి నిన్ను కదిలించేను ? కాలం  పరుగెడుతూ తనతో నిన్ను తీసుకెల్లక ముందే నీ కనుల స్పర్శ తాకి కలువలా నేను పరవసించేలా ఒక్కసారైనా ఈ నా వంక చూడవా ??

చక్కని చుక్కలు చక్కగా నిన్ను బందించినా నా చిన్న మనవి ఒప్పుకోలేనంత వ్యాపకాలతో నన్ను మరిచేవా ??