Total Pageviews

Sunday, January 15, 2012

మనసు కలం రాసిన ....!!

ఏదో రాయాలన్న తపన రాయడానికి మనసు కలం జ్ఞాపకాల సిరాను నింపుకొని జీవిత పుస్తకాన్ని తెరవమని చెప్తుంటే నా ఆలోచనల అక్షరాలను ఎలా ఏరుకోవాలో అని నేను నీ వైపు చూస్తున్నా ...!!
నువ్వు నా ముందు అద్దమై వుంటే నన్ను అలాగే ప్రతిబింబిస్తే నేనేంటో నాకు తెలియజేస్తుంటే నీపై నాకు కోపం రాకుండా ఎలా ఉండగలదు .. ??
నాకు మౌనమనే స్నేహితుడున్నాడని తెలిసి నీ అల్లరి చెలికత్తెను చేర్చి తనను నీ సొంతం చేసుకున్నపుడే నీ మీద నేను కొపపడవలసింది ..అదో అలా నిన్ను వదిలివేయడమే నేను చేసిన తప్పు కదా.. !
నిశబ్దంలో నిర్వచనాలను వెతుక్కునే నాతో మాటల మాలలు అల్లడం ఎందుకు నేర్పవు .. ? నిశీధిలో నింగిలోని శూన్యాన్ని మాత్రమే చూసే నాతో జాబిలి సొగసులు చూడటం ఎందుకు నేర్పవు ..??
నా ప్రశ్నల మెట్లు ఎక్కి నిన్ను చేరెంతలో ఊహల పుష్పక విమానం ఎక్కి ప్రయాణాలు చేయబోతావ్ .. సమాధానాల స్థానానికి ఎక్కేంతలో అలా ఓ నవ్వు నవ్వి  ఇలా పైకేగబాకుతావ్ ఏమనాలి నిన్ను ??
నీ స్మృతుల గుభాలిమ్పులతో నా మది మస్తిష్కపు తోటలోని చెలియల పూలు నిండిపోతే ఆ మత్తు నన్ను నేనే మర్చిపోయేలా చేస్తుంటే భవిష్యత్తు గమ్యానికి నన్ను చేరమనే నీవు నన్ను పిచ్చిదాన్ని గాక  ఇంకేమి చేస్తున్నావ్ నన్ను ??
నా గతం తాలుకు పాఠాలు నీ దగ్గర వదిలి భవిష్యత్తు పాఠాలను వల్లే వేయాలని ,సాఫల్యత సంపాదించే దిశలో అడుగేస్తున్న నా ప్రస్తుతానికి నువ్వు ఆశల వెలుగులు విరజిమ్మ నివ్వకుండా అడ్డుపడ్తుంటే ?ప్రేమ అనే ఈ రెండు అక్షరాల మధ్య ఎంత దూరం వుందని నువ్వు కొలవమంటే నన్ను నేను వెత్తుక్కొనా ?? ... లేక నాలో నిన్ను వెత్తుక్కొనా ?? లేక నీ కోసం నా అస్తిత్వాన్ని వదిలి నీవై నేను నీలో కలిసిపోనా..?? ... ??