కుశలమా ?
ఆగమన్నా అలసటనొదిలి ,ఆగను అన్న కాలానికి సలాం చెప్పి ,పదపద మని అడుగుకు పరుగు నేర్పి ,నేర్పుతో ఓర్పును నీ సొంతం చేసుకొని ప్రతి సవాలుకు "సై" అని చేప్పి , జీవితాన్ని జయ పధం లో నడుపతూ ,నవ్వుతూ నవ్విస్తూ ,రోజుకో రంగుతో నలుగురి జీవితం అందమైన ననదనవనం చేస్తున్న మిత్ర రత్నానికి ....!!!!!
-'కుశలమా ' ? అని అడగాలనుంది ఎందుకంటే నీ స్వరం విని చాలా రోజులవ్తునట్టుంది .
అస్తమించిన సూర్యుని సాక్షిగా ,ఆ కొండల మాటున నుండి చంద్రుడు నేను పారేసుకున్న జ్ఞాపకాలను ఏరి మూట కట్టి మోసుకొని నిమిషం నిమిషం దగ్గరవ్తుంటే , చేజార్చుకున్న నీ స్వరం కూడా అందులో ఉందేమో అని వెతకలనిపించింది అంత జాలి చూపులు చూడకు చంద్రమా .... నీ దగ్గర లేకున్నా సరేలే అన్న సమాధానం విన్న తను సానుభూతిని సైతం మేఘాలలో వదిలి ,నా కన్నిటికి వాటిని తోడునివ్వమంది ......
ఒక్కసారి వెనక్కి తిరిగి చూసుకున్న
జీవితం లో "ఎన్ని సంతోషాలో,ఎన్ని విజయాలో ",ఎంత నిరుత్సాహం దాని కన్నా అధికమైన ఉత్సాహం ",ఎంత నిస్సహాయత ఎంత ఆత్మ స్థైర్యం ","ఎన్ని సమస్యలు వాటి కన్ని సమాధానాలు ".... ఇలా ఇలా అన్ని వేటికవే ప్రత్యక్షమై నా వ్యక్తిత్వ భావనలకు రంగులద్దుతున్నాయి .. నీకు కనిపిస్తుందో లేదో కానీ నీ పరిచయం నుంచి మొదలై నిన్ను చేజార్చుకున్న క్షణాలు అన్నిటికన్నా ఎంతో అందమైన కళను నా జీవితం అద్దింది .అందమైన జ్ఞాపకం నీ పరిచయమితే ,అశ్రువులను అదుపు చేసుకోలేని జ్ఞాపకం నీ స్నేహాన్ని నేను చేజర్చుకోవటం .ఉదయించే తొలికిరణం తోనే నీకు నా సిఫారసు పంపుదామని సూర్యున్ని అనుమతి అడుగుదామనుకున్న కానీ నీ నిద్ర భంగామైతే దానికి కుడా నేనే కారణమై ఇంకా విసిగిస్తున్నాను అనుకుంటావేమో అని అడగలేదు .తొలకరి చినుకుకు నా తరపున నీకు మనవి చేయమని నాతో మాట్లాడమని అర్జీ పంపిస్తే ఏకంగా తుఫానులో నా అర్జీ కాస్త తడిసి ముద్దాయి ఎలాంటి సమాదానం లేకుండానే నా దగరకొచ్చింది . ప్రకృతికున్న జాలి కూడా నీకు నామీద లేదా ? కానీ మనసు మూలన ఎక్కడో చిన్న ఆశ !! తప్పకుండ నీ మాటను నేను వింటానని .. హృదయ లోతుల్లో చిటికెడు నమ్మకం మళ్ళి నా కోసం నీ పిలుపు వినబడుతుందని ... నమ్మకమే జీవితం అంటారు కదా ... అదే నమ్మకంతో ఎదురుచుస్తూ జ్ఞాపకాల సాక్షిగా ....!!!!
No comments:
Post a Comment